ರಂಗದ ರಾಜ

ವಿದಾಯ ವಿದಾಯ
ವಿದಾಯಗಳು ನಿಮಗೆ || ಪ ||

ರಂಗದಿ ಮೆರೆದಿರಿ
ರಂಗವ ಮೆರೆಯಿಸದಿರಿ
ರಂಗವ ಬೆಳೆಯಿಸಿದಿರಿ ನೀವು || ೧ ||

ಹಗಲಿನ ಸೂರ್ಯ
ರಾತ್ರಿ ಉದಯಿಸಿದಂತೆ
ನೀವು ರಂಗಕ್ಕೆ ಬಂದ ಆ ಕ್ಷಣ || ೨ ||

ಸಿಡಿಲು ಗುಡುಗಿನ ಹೂಂ ಕಾರ
ರಂಗದಿ ನಟಿಸಿದ
ನಿಮ್ಮ ಪಾತ್ರಗಳ ಝೆಂಕಾರ || ೩ ||

ರಂಗದ ರಾಜ
ನಟ ಸಾರ್ವಭೌಮ
ಹೇಗೆ  ಬಣ್ಣಿಯಿಸಿದರು ಸಾಲದು ನಿಮ್ಮ ||೪||

ಕುಣಿದರು ನಲಿದರು
ತಣಿಯದ ಮೋಹ
ಎಂದೂ ದಣಿವರಿಯದ ದೇಹ || ೫||

ಇಂದು ಎಂದೂ ಮುಂದೆಂದೂ
ಕೇಳಿಸದು ಅಜ್ಜನ
ಕಾಲಿನ ಗೆಜ್ಜೆಯ ನಾದ ।।೬।।


ಆ  ರಂಗದಿ ವೇಷವ ಧರಿಸಿ
ಆ ರಂಗನ ಮನವ ತಣಿಸಿ
ಯಕ್ಷಲೋಕಕೆ ಬೇಗನೆ ಮರಳಿ ।।೭।।
                           
                                                                                               ---ಬೆಳ್ಳಂದೂರು
                                                                                               ---೧೪/೧೦/೨೦೧೭

ರಂಗದ ರಾಜ